ليه يابلد: الظلم بان فيكي - منتديات ومضات

ليه يابلد: الظلم بان فيكي - منتديات ومضات

ايه اللي حصل فيكي يا بلد

الخير مات بين ضلوعك
والشر فيكي اتولد
واللي يقول يا رب بالرصاص يتجلد
واللي يصلي فيكي يهون دمه عليكي
ويتقتل هل قتله يرضيكي
فين العدل والحريه
والا دي كانت تمثيليه
وفين حقوق الانسان
اللي انضرب واللي اتقتل واللي اتهان
والا اللي ماتوا في الميدان
والا اللي اتقتلوا وقت الاذان
والا البنات اللي كل ذنهم انهم عايزين امان
والكيل بقى فيكي بالف ميزان
لما يثور علماني دا حق مشروع
ولما يثور اسلامي يبقى عايزاها دمار
وعايزنا نموت من الجوع
الظلم فيكي بان وقفل كل الببان
ولاول مره ف ازهرك يتمنع صوت الاذان
طب باقي ايه معملتيهوش
يبقى لما حد يخربك متلوميهوش
لما الشوارع تتغسل بدم الشهيد
واولادك يبقوا للبياده عبيد
كل يوم نعيد ونعيد بكلام مش بيفيد
تبقي لكل الدنيا ام

واللي يفديكي بدمه
ما يلاقي فيكي غير الهم
متخلينيش اكره رجعتي ليكي
دا اجمل ما فيكي حنيني اليكي
على مين بتبكي دموعك
على شهيد بيصلي الفجر
والا على اللي بيقتل وياخد اجر
والا على الناس اللي لاعليهم حجر
والا على اللي قتلهم رصاص الغدر
بعد ما قلنا خلاص
الصدق والاخلاص بيجمع بين الناس
بقت الخيانه اساس
والناس مفيش احساس

ايه يا بلد الظلم فيكي اتولد
ايه يا بلد الحضار
انتي بقيتي تعشقي حكم الق.......
يا بلد بقت اشرف حاجه فيكي نعل البياده

بقيتي تعبدي العسكر عباده
واللي يخونك ويظلم تديه زياده
واللي روحه ارخص عليه من ترابك
تقفلي في وشه بابك
طب عايزه ايه مني احبك كمان وكمان
وافديكي بروحي والاقي منك ذل وهوان
هاحبك كمان وكمان
هاحبك كمان وكمان
ومش عايز منك مقابل

انا عايزك تبقي حنونه
وف وقت الخطر مأمونه
دا انا اللي حبيتك وزينت بدمي باب بيتك
متخلينيش اكره رجعتي ليكي


ليه يا بلد الظلم بان فيكي



بقلمي

حسين محمد كمال