احكي ايه عنك يا مصر - منتديات ومضات

احكي ايه عنك يا مصر - منتديات ومضات

مصر
ـــــــــــــــــــــــــــــ
احكي ايه عنك يا مصر
احكي عن ارضك ونيلك
والا عن اصلك وناسك
والا عن حبيى الكبير
والا عن عشقي وحنيني
والا عن المي وانيني
والا عن غربة سنيني
والا عن ايه والا ايه
احكي ايه عنك يا مصر
عن حنانك عن امانك
عن ترابك والا كل حروف كتابك
والا بيوتك وبابك
والا المأذن والجوامع
والا القهاوي والشوارع
والا عودك اللى فارع
بين عدان الكارهين
والا تاريخ السنين
اللى منه الحاقدين غيرانين
يا ام العبون سوده وكحيله
يا حكاية الف ليله وليله
احكي ايه عنك يا مصر
وانتي اكبر من الحكاوى
احكي ايه عنك يا مصر
وانتي اجمل من الغناوي
احكي ايه عنك يا مصر
ولو فضلت احكي عنك
مش هتخلص الحكاوي
بحبك يا مصر
ـــــــــبقلميــــــــــــــ
ـــــــحسين كمالـــــــــ