راجع وكلي امل - منتديات ومضات

راجع وكلي امل - منتديات ومضات

راجع وكل املي القاكي
زي ما سبتك يا ملاكي
ارجع الاقيكي
مستنياني هناك في نفس المكان
اللي كان بيجمعنا سوا
انا وانتي والغرام والهوا
المكان اللي كان شاهد على حبنا
على عشقنا على قلبنا
فاكره الشتا والبرد
لما كنا بندفي بعض ببعض
فاكره سهر الليالي وحبنا الغالي
فاكره القمر لما كان بينور ليالينا
ونسهر ليالي الحب نكتب بالنجوم اسامينا
ونحكي لبعض كل يوم حكاوينا
وكنا مبنزهقش وكنا ما بنتعبش
من السهر ومن الغرام وكل يوم نقول كلام
نفس الكلام لاكن بطعم جديد
فاكره يوم العيد لما كنا
بنلبس جديد فجديد
كنا عيال بنفرح بكل جديد
احساسنا كان وليد كنا بنسرق
من الدنيا لحظات سعاده
ولما تخلص نقول يا دنيا عايزين زياده
انا منستش فيوم حجات
كانت بتحصل بينا سعات
مش نسيها هي اللي بقيالي
حبت زكريات
فاكره لما كتبت اسمك بالدم على ايدي
ساعتها افتكرتي اني قطعت وريدي
وخفتي واتخضيتي
وضحكت انا لما شوفت اللهفه فعنيكي
فاكره
ومن لهفتك اتخضيت انا عليكي
فاكره والا البعد نساكي
وسهرك لوحدك وانا في الغربه اساكي
اوعى تكوني نسيتي اوعاكي
اوعاكي تنسي فرحت عنيا لما كنت بشوف عنيكي
ورعشت اديا لما كانت بتلمس اديكي
ولهفتي لما كنتي بتغيبي ودموعي لما

ا ل ا ق ي ك ي

احنا بينا حجات كتير متتنسيش
احنا بينا حب كبير وزكريات
بينا

ضحكه

وهمسه ونظره وعشق واهات
هو انتي ينفع بجد تنسي
ومركبك على شط غير شطي ترسي
دا مستحيل غير شطي ليكي مفيش بديل
انا اللي عارف امتى بتفردي قلوعك
وامتي اجهز شطي للحظة رجوعك
اوعاكي تنسي انا اللي كنت بنشفلك دموعك
اوعاكي تنسي ان حضني كان ليكي الامان
اوعى يكون البعد نساكي واساكي
وعلى شط غير شطي رساكي
انا راجع وكل املي اني القاكي
مستنياني زي زمان
فى نفس المكان اللي كان بيجمعنا سوا